Тойда ерсі қылық көрсеткен танымал әнші концерт қою құқынан айрылды (ВИДЕО)

Жахонгир Отажонов тойда төбесінен ақша жаудырып, қонақтарды таңқалдырған

Өзбектің танымал әншісі Жахонгир Отажонов лицензиясынан айрылды, деп хабарлайды sputniknews.kz «Узбекконцерт»-ке сілтеме жасап.

Ол енді Өзбекстанда концерт бере алмайды.

«Жахонгир Отажонов мораль сөзін ұмытқан. Ол қасиетті Рамазан айында этика мен ұлттық дәстүрді бұзды», - делінген мекеме таратқан хабарламада.

Әншінің өзі жақында видеоүндеу жариялап, «маған бәрібір» деп мәлімдеген.

«Қаласаңыздар, менің лицензиямнан айырыңыздар. Олай істеуге сіздердің құқықтарыңыз бар», - деді Жахонгир Отажонов.

Естеріңізге сала кетейік, осыған дейін әлеуметтік желіде әншінің тойда төбесінен ақша жаудырғаны жайлы видео тараған болатын. Оған қонақтар таңқалған. Бұл оқиға әлеуметтік желіде қызу талқыға түсті.