Филиппинде 6,2 балдық жер сілкінісі болды

Филиппиннің оңтүстігінде күші 6,2 балдық жер сілкінісі болды, деп хабарлайды Almaty.tv тілшісі ҚазАқпаратқа сілтеме жасап.

Бұл туралы Еуропа-Жерорта теңізі сейсмологиялық орталығының ресми сайты жазды.

Зілзала ошағы Давао Дель Сур провинциясында тіркелді. Сейсмологтардың мәліметінше, жерасты дүмпуі жергілікті уақытпен 04:30 шамасында байқалған. 

«Зілзала ошағы 30 шақырым тереңдікте орналасқан», – деп атап өтті мамандар. 

Кейінгі 24 сағат ішінде Миндородан 300 шақырым аймақта тағы бір жер сілкінісі тіркелді. Қираған ғимараттар мен зардап шеккендер туралы мәлімет әзірге жоқ.