Қазақстанның Украинадағы елшілігі Варшаваға көшіріліп жатыр

Қазақстанның Украинадағы елшілігі Варшаваға көшіріліп жатыр. Сыртқы істер министрі Мұхтар Тілеубердінің сөзінше, Киевтегі елшілік толығымен жабылмайды, тек Польша астанасына қоныс аударады, деп хабарлайды Almaty.tv.

Сондай-ақ біздің дипломаттар мен қызметкерлер Молдоводағы елшілікке барып қызмет атқарып жатыр екен. Дегенмен Киевте Қазақстанның консулы бар. Украинада жүрген азаматтарымызға жан-жақты қолғабыс көрсетіліп жатыр. Ал Әскери қақтығыс болып жатқан Украинада 200-ге жуық қазақстандық жүруі мүмкін.

«Қазір ақпарат жинаудың өзі қиынға соғып тұр. Бұрын тізімде 600-800 адам болған. Қазір көбі Украинадан өз күшімен кетіп жатыр. Сондықтан олардың нақты есебін жүргізу мүмкін болмай тұр. Бірақ өтініш түсіп жатыр. Консулдың алдын-ала болжауынша, Украинада 200-ге жуық Қазақстан азаматы болуы мүмкін», – деді ҚР СІМ Мұхтар Тілеуберді.