Түркияның Малатья провинциясында 5,6 балдық жер сілкінісі болды

Жер сілкінісін көрші провинциялардың тұрғындары сезді, деп хабарлайды Almaty.tv.

Түркияның Малатья провинциясында 5,6 балдық жер сілкінісі болды.

Зілзала жергілікті уақыт бойынша сағат 12:04-те тіркелген. Оның эпицентрі Йешилютр ауданында болды. Жер сілкінісінің ошағы 6,96 км тереңдікте жатыр.

Еске салайық, 25 ақпан күні жергілікті уақыт бойынша сағат 13:27-де Түркияның орталық бөлігіндегі Нигде провинциясында жер сілкініп, магнитудасы 5,3 болды. Оның ошағы 7 шақырым тереңдікте жатыр. Бұған дейін Түркияның шығысы мен орталық бөлігінде, Малатия, Бингеле, Сивас және Конья провинцияларында 24 ақпанда кешке және 25 ақпанға қараған түнде жер сілкінісі болғаны хабарланған болатын.

Дерекөз: ҚазАқпарат