Меншікті өндіріс
Біз әлеуметтік желілердеміз
Үйлену тойына келген қонақтар түгел уланып қалды
Мереке аяқталғаннан кейін 89 адамда ішек инфекциясы симптомы анықталған, оның 8-і – бала
Әзірбайжанның Зяргярли ауылында өткен үйлену тойында меймандар жаппай уланды, деп хабарлайды sputniknews.kz.
Мереке аяқталғаннан кейін ішек инфекциясы симптомы 89 адамда байқалған, оның сегізі – бала. Бұл - аудандық аурухана мен Габала диагностикалық орталығына дәрігер көмегіне жүгінгендер. Жас жұбайлардың жағдайы белгісіз, деп хабарлайды Sputnik Әзірбайжан.
Әзірбайжанның денсаулық сақтау министрлігінің баспасөз қызметінің мәліметіне сәйкес, медициналық көмек көрсетілген соң адамдар үйіне жіберілген. 15 жастағы бала ауруханада ем қабылдап жатыр.
Жаппай улану фактісін құқық қорғау органдары тексеретін болады. Сондай-ақ, бұл іске азық-түлік қауіпсіздігі агенттігінің мамандары да жұмылдырылған. Қылмыстық іс қозғалды.