АҚШ-та тәуелсіздік күнін мерекелеу кезінде атыс болды

АҚШ-та тәуелсіздік күнін мерекелеу кезінде атыс болды, деп хабарлайды Almaty.tv тілшісі.

Иллинойс штатының Хайленд-Парк қаласында болған оқиғадан кемінде 6 адам қайтыс болып, 20-дан астамы жарақат алған. Көп ұзамай оқ жаудырған күдікті ұсталды. Оның 22 жастағы Роберт Кримо есімді азамат екені анықталып отыр. Ол көрермендер мен қатысушыларға мерекелік шара басталғаннан кейін бірнеше минут өткен соң оқ жаудырған. Күдікті ғимараттың төбесінен атқан, полиция қаруды сол жерден тауыпты.

БЛИЦ:

1. Біз оқиға болған жерге жақын маңда болдық. Қарудың дауысын естідім, бірнеше рет оқ жаудырды. Адамдар қаша жөнелгенін көрдім. Сол сәтте ол мылтығын оқтап алып, қайта атты.
2. Мен алдымен отшашу атылды деп ойладым. Жан-жағыма қарасам адамдар қашып барады. Баламды қолыма көтеріп алып, мен де ол жерден бой тасаладым.