Германиялық ерлі-зайыптылар жоғалған мысықты іздеуге 22 мың доллар жұмсады

Германиялық ерлі-зайыптылар Рафал мен Моника Кляйншмидт жоғалған мысықты іздеуге 22 мыңнан астам доллар жұмсады, деп хабарлайды Almaty.tv тілшісі ҚазАқпаратқа сілтеме жасап.

Нерон лақап аты бар мысық 2024 жылдың шілдесінде Рафал мен Моника демалысқа шығуды жоспарлаған кезде үйден қашып кеткені хабарланды. 

"Мен демалысымды әйеліммен Кимгауда өткізгім келді. Ол сол жерде оңалту орталығында болды. Мен Эрлангендегі қонақүйге тоқтадым. Сосын Нерон көлік қорабынан секіріп, қашып кетті", - дейді Рафал.

Осыдан кейін ерлі-зайыптылар мысықты табу үшін қолдан келгеннің бәрін жасады. Атап айтқанда, олар демалыс сайын 450 шақырым жол жүріп, мысықтың суреті бар плакаттар іліп, оның назарын аудару үшін ол жақсы көретін тунец балығын сатып алады.

Айтуынша, үй жануарын іздеу кезінде ерлі-зайыптылар бензинге, қонақүйге тұруға, арнайы камералар мен тамаққа барлығы 22 мың доллар жұмсаған.

Сәтсіз ізденістерге қарамастан, Рафал мен Моника үмітін үзбеді. Сонымен қатар, мысық микрочиптелген, сондықтан оның қайда екенін кез келген уақытта еріктілердің немесе жай ғана қамқор адамдардың көмегімен білуге болады. 

"Ол мен үшін маңызды. Ол — біздің отбасымыздың досы әрі мүшесі. Ал достарыңды тастауға болмайды. Мен берілмеймін. Оның әлі тірі екеніне сенемін", - дейді Рафал.

Оқи отырыңыз: ҚТЖ орындарды заңсыз сатып, пойызда темекі шеккен жолсеріктерді жұмыстан шығарды