Грузияда мейрамхананың 12 қызметкері өлі табылды

Грузияның Ішкі істер министрлігі Гудаури тау шаңғысы курортындағы үнді мейрамханасында 12 адамның өлі табылғанын хабарлады, деп хабарлайды деп хабарлайды Almaty.tv   

NewsGeorgia басылымының хабарлауынша, қайтыс болғандардың 11-і Үндістан азаматы болса, біреуі Грузия азаматы болған. Белгілі болғандай, олар сол жерде жұмыс істеп, екінші қабатта тұрған.

Өлімнің ықтимал себебі – жазатайым оқиға. Мәйіттерде зорлық-зомбылық белгілері байқалмаған.

Жұмысшылар тұратын бөлмелердің жанында, жабық бөлмеде генератор жұмыс істегені белгілі болды. Ол бір күн бұрын, электр қуаты өшіп қалған соң қосылған.

Өлімнің нақты себебін анықтау үшін сот-медициналық сараптама тағайындалды.

"Аталған дерекке фактіге байланысты жедел-іздестіру шаралары белсенді жүргізілуде, оқиға орнында сот-медициналық сарапшылар жұмыс істеп, өзге қызметкерлерден жауап алынып жатыр", - делінген хабарламада.

Қазіргі кезде Грузия Қылмыстық кодексінің 116-бабы «Абайсызда адам өліміне әкеп соқтыру» бойынша тергеу басталды.

Оқи отырыңыз: Бір ғана үміткер қатысты: Грузияда президент сайлауы өтті деп жарияланды