Пәтер, Tesla көлігі, гауһар сағат: Гонконгта COVID-19 вакцинасын алған азаматтар үшін ұтыс ойыны өтеді

Гонконгта коронавирус вакцинасын алған азаматтар үшін жалпы сомасы 14 миллион доллардан асатын ұтыс ойыны өткізіледі, деп хабарлайды Almaty.tv тілшісі REGNUM АА-ға сілтеме жасап.

South China Morning Post газетінің хабарлауынша, вакцинаның екі дозасын алған мегаполистің азаматтары үшін құны 1,4 миллион доллар тұратын пәтер, Tesla автокөлігі және Rolex гауһар тастары бар сағат ойнатылады. Ұтыс ойындарының бастамашысы ірі бизнес иелері мен саясат өкілдері болып табылады.

Сондай-ақ, жүлделер тізімінде-iPhone смартфондары, бірнеше мың тегін әуе билеті, круиздік кемелерде саяхаттау, қонақ үйлерде тегін тұрақтау сияқты ұтыстар да бар.