Алматылық дінтанушы исламда вакцинаға тыйым салынбағанын айтты

Ислам ғалымдарының пәтуасы бойынша "вакцинаның құрамында тыйым салынған компоненттер болса да, вакциналануға рұқсат етілген". Бұл туралы Өңірлік коммуникациялар қызметінің брифингінде әл-Фараби атындағы ҚазҰУ аға оқытушысы, дінтану докторанты Елнар Берікбаев айтты, деп хабарлайды Almaty.tv.

Спикер шамамен 5 жыл бұрын Қазақстан мұсылмандары діни басқармасының ел мұсылмандарына этил спиртін қалай қолдану керегін түсіндіргенін еске салды. Бұған кейбір мұсылмандардың осы зат бар дәрілік тұнбадан бас тартуы себеп болған еді.

Осы оқиғаға байланысты алматылық теолог исламдағы тағы бір пәтуаны түсіндіріп өтті.

«Тыйым салынғанның бәрі зиян емес. Дәрі-дәрмектерде спирт өзінің ішімдік ретіндегі қасиетін жоғалтады, сондықтан дәріні қолдануға болады. Ал, мұнда олар жүзімді мысалға келтіреді. Шарапқа айналған жүзім шырыны қазірдің өзінде харам болып саналады. Бірақ біраз уақыттан кейін шарап сірке қышқылына айналады, яғни оны тұтынуға болады», – деп атап өтті Е. Берікбаев.

Кейбір дәрі-дәрмектерде мұсылмандарға тыйым салынған шошқа етінің болуы мүмкіндігі туралы сұраққа ғалым «Әл-мажму» кітабынан имам ән-Науаидің сөзін келтірді.

«Қоспаны таза препарат болмаған жағдайда дәрі ретінде қабылдауға болады. Ал, егер оны алмастыратын препарат болса, онда оны қабылдауға қатаң тыйым салынады» деген», – деді Е. Берікбаев.

«Құранда өз өміріңізге және денсаулығыңызға қауіп төндіруге тыйым салу туралы былай дейді: «Өзіңді [өзіңді және бір-біріңді] өлтірмеңдер. Расында, Алла сендерге мейірімді!» («Ниса» сүресі, 29-аят). Сондай-ақ, Пайғамбар: «Сіз өзіңізге де, басқа адамға да зиян келтіре алмайсыз», – деген (Сунан ибн Маджа). Емделмеген адам өзі ғана ауырмайды, ол дертті басқаларға, ең алдымен туыстарына, әріптестеріне, көршілеріне жұқтыруы мүмкін. Сондықтан екпе алу өте маңызды», – деді дінтанушы.

Вакциналану мен дін туралы айта отырып, теолог антиваксерлер ойлап тапқан ең күлкілі фейкті еске түсірді.

«Антиваксерлер адамның ауырып қалмауы құдіретті Құдайдың еркіне байланысты деп есептейді. Ал, екпе алу арқылы сіз оның еркіне кедергі жасайсыз. Бірақ тағдырға сену сізге бос отыруға және ештеңе жасамауға, бетперде тағуға болмайды, әдейі өзіңізді және басқаларды жұқтыру қаупін тудырады дегенді білдірмейді», – деп атап өтті Е. Берікбаев.

Сондай-ақ, дін саласындағы сарапшы христиандық және мұсылмандық сенімнің негіздеріне сәйкес, қиямет күні тек Құдайдың қалауымен адам өзінің іс-әрекетіне ғана емес, сонымен бірге әрекет етпеуіне де жауап беретінін айтты.

Сөз соңында алматылық теолог исламдағы әйгілі нақылды еске салды: «Алдымен түйені байла, сосын Аллаға сен» немесе «Құдайға сен, бірақ өзің қателеспе».