|
21.01.2022 | 15:04
2095

«Спутник V» екпесі коронавирустың қай штамына тиімді әсер етеді

COVID-19-ға қарсы вакцина алған қазақстандықтар саны 9 093 484 адамға жетті

«Спутник V» екпесі коронавирустың қай штамына тиімді әсер етеді volsklife.ru

Елімізде коронавирус індетіне шалдыққандар саны көбейіп барады, деп хабарлайды Almaty.tv тілшісі.

Соңғы тәулікте 16 мың 284 адам вирус жұқтырып, жаңа рекорд орнады. Тек Нұр-Сұлтан қаласында 5 мыңнан астам, Алматыда 2 мыңнан аса науқас анықталды. Осылай эпидемиологиялық жағдайдың күрт нашарлауына «омикрон» штамының дендеуі себеп болып отыр.

Денсаулық сақтау министрлігінің ресми ақпарына сәйкес, COVID-19-ға қарсы вакцина алған қазақстандықтар саны 9 млн 93 мың 484-ке жетті. Соның ішінде 35 мыңнан аса алматылық Pfizer екпесін салдырған. Осы ретте Жапония мемлекеті бұл препаратпен балаларды 5 жастан бастап егуді ұйғарып отыр.

Ал италиялық Спалланцани институтының мәлімдеуінше, африкалық штамға «Спутник V» екпесі тиімді екен. Себебі ресейлік вакцина америкалық екпеге қарағанда пациенттерде антиденені 2,1 есеге көп қалыптастырған.  

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир