Ш. Сезімханұлы: Мемлекет міндеттеген вакцинаны алған дұрыс

«Алатау» дәстүрлі өнер театрының айтыскер ақыны Шұғайып Сезімханұлы қазақстандықтарды коронавирусқа қарсы вакцина алуға шақырды, деп хабарлайды Almaty.tv.

«Көрінбейтін індет жайлағаннан бері біраз шаруа қалыс қалып қойды. Білім, экономика, мәдениет барлығы кері кетіп жатыр. Сол бұрыңғы бей берекет, қой үстіне бозторғай жұмыртқалаған заманға қайта оралу үшін, мемлекет міндеттеген вакцинаны алған дұрыс деп ойлаймын. Өз басым айналамдағы ағайын-туыс, отбасыма, жаныма жақын жанашыр адамдарға зәбірім тимесін деп алып отырмын», –  деді Ш. Сезімханұлы.