Батыс Қазақстан облысында 58425 адам коронавирусқа қарсы вакцинаның бірінші компонентін салдырды, деп хабарлайды Almaty.tv тілшісі ҚазАқпаратқа сілтеме жасап.
БҚО денсаулық сақтау басқармасы мәлім еткеніндей, соның 6329-ы – медицина қызметкерлері, 6864-і – педагогтар, 3315-і – құқық қорғау органдары, 41917-сі – басқа сала өкілдері. Сонымен қатар 22464 адам екінші компонентті қабылдады. 1 ақпаннан бері облысқа барлығы 102200 доза (77050-і – бірінші, 25150-і – екінші компонент) вакцина жеткізілді.
Соңғы рет, 5 мамырда Біріккен Араб Әмірліктерінде өндірілген 17500 доза (І компонент) Hayat-Vax араб вакцинасы түсті. Өңірде тұрғындарды вакцинациялау одан әрі жалғасуда.
