2022 жылдың қаңтар-наурыз аралығында 16 837 ресейлік азамат Қазақстанда уақытша тұруға рұқсат алды, деп хабарлайды Almaty.tv тілшісі ҚР ІІМ баспасөз қызметіне сілтеме жасап.
Олардың басым бөлігі (2463) Қызылорда облысына келген. Сондай-ақ Алматыға - 2116, БҚО - 1677, Қостанай облысына - 1525 ресейлік келіп орналасқан.
Ішкі істер министрлігінің мәлімдеуінше, Ресей Федерациясы азаматтарының негізгі бөлігі (8217) еңбек қызметін жүзеге асыру мақсатында келген. 24 ақпан мен 13 сәуір аралығында Қазақстанда тұрақты тұруға рұқсат алуға 677 өтініш қабылданған.
Бұған дейін 170-ке жуық Ресей азаматы Қазақстан азаматтығын алуға өтініш білдірген.
