Елбасы Нұрсұлтан Назарбаев ЭКСПО көрме кешенін аралады. Мемлекет басшысы алдымен «Нұр Әлем» павильонында болды. Ол - диаметрі 80 метр шар үстіне салынған теңдессіз ғимарат. Павильонда «Болашақ энергиясы» музейі орналасады, онда Қазақстанмен танысу аймағы болады. Сондай-ақ энергияның негізгі түрлері ұсынылады. Кейін Нұрсұлтан Назарбаев көрме кешенінің конгресс орталығына барды. Ол - көпфункционалды мәдени әрі ойын-сауық орталығы болып саналады. Онда 2 мың 192 орынға арналған көрермендер залы және 4 конференц-зал бар. Айта кетейік, Астанада өтетін ЭКСПО көрмесінің басталуына небәрі 8 күн қалды. Халықаралық шара 10 қыркүйекке дейін жалғасады. Оған қатысуға 115 ел ниет танытқан.
Біздің Telegram каналына жазылып,
соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
