2024 жылы 1,1 трлн теңгеден 2,8 трлн теңгеге дейін халыққа көрсетілетін медициналық қызметтердің көлемін арттыруға мүмкіндік берді, деп хабарлайды Аlmaty.tv тілшісі Қазақстан Республикасы Денсаулық сақтау министрлігінің баспасөз қызметіне сілтеме жасап.
МӘМС енгізу нәтижесінде ЖІӨ-нің жалпы көлеміндегі денсаулық сақтау шығыстарының үлесі 2018 жылғы 2,8%-ден 2022 жылы 3,7% дейін ұлғайды. МӘМС қаражатының есебінен еліміздің бір тұрғынының денсаулығына арналған шығыстарды 56 мың теңгеден 122 мың теңгеге дейін ұлғайтуға мүмкіндік туды.
- Мәселен медициналық көмек бөлінісінде қарайтын болсақ, онда күндізгі стационарларды екі есе қаржыландырудың арқасында өткен жылы пациенттер мемлекеттік және жеке клиникаларда 920 мыңнан астам стационарды алмастыратын қызметті ала алды, - деп жазды Денсаулық сақтау министрлігінен.
Жоғары технологиялық медициналық көмекті қаржыландырудың өсуі қазақстандықтар үшін 2023 жылы күрделі қымбат операциялардың қолжетімділігін 2,5 есеге арттыруға мүмкіндік берді.
Медициналық сақтандыру қаражатының есебінен пациенттерге жүрек-қан тамырлары, неврологиялық, онкологиялық аурулар мен жарақаттар кезінде медициналық оңалту қолжетімді болды, ол бұрын іс жүзінде көрсетілмейтін.
- МӘМС бағдарламасы бойынша жұмыс істейтін медициналық қызметті көрсетушілердің саны екі есеге өсті, қазір олардың саны 2000-ға жуық, олардың жартысына жуығы - жеке ұйымдар. Мемлекет басшысы бұл үлесті 2027 жылға қарай ЖІӨ-нің 5% дейін ұлғайту мақсатын қойды. Халықтың медициналық қызметтерге ақы төлеуге арналған қалта шығыстарының үлесі, керісінше, 2018 жылғы 34%-дан 2022 жылы 31% дейін төмендеді, - деп түсіндірді ведомстводан.
Оқи отырыңыз: Ауылға барып жұмыс істейтін дәрігерлерге көтерме ақы беріледі
