Қазақстандық кітапханашылар Желтоқсан құрбандарының рухына тағзым етті

Бүгін «Тәуелсіздіктің алтын бесігі» атты республикалық форумға қатысушылар Желтоқсан оқиғасы кезінде құрбан болған жандардың рухына тағзым етіп, «Тәуелсіздік таңы» монументіне гүл шоқтарын қойды, деп хабарлайды Almaty.tv тілшісі.

Айта кетейік, екі күнге жалғасқан республиканың әр өңірінен келген кітапханашылар форумында Алматы кітапханаларының қайта жаңғыртудан өткеннен кейінгі жұмыстары таныстырылып, тәжірибе алмасылды.  

Оқи отырыңыз: Алматыда қазақстандық кітапханашылар форумы өтті

«Тәуелсіздіктің алтын бесігі болып саналатын монументке гүл шоқтарын қойып тағзым жасадық. Бұл Тәуелсіздікке, елге, мемлекетке деген құрметтің белгісі деп білеміз», – деді Мәдениет басқармасы басшысының орынбасары Данияр Әлиев.