Алматыда футболдан Алатау ауданы әкімінің кубогіне арналған турнир өз мәресіне жетті. Ел тәуелсіздігінің 30 жылдығы мен Елорда күні қарсаңында өтіп жатқан спорттық шараға осыған дейінгі іріктеу матчтарында сүрінбей өткен 8 команда ақтық сында өнер көрсетті. Нәтижесінде Сұңқар құрамасы топ жарып, бас жүлдені иемденді, деп хабарлайды Almaty.tv
Кейін көзге түскен ойыншылар мен орын алған командалар марапатталып, бағалы сыйлықтар табысталды.
«Көңіл-күй өте керемет. Бүгін жеңіске жеттік. Әр ауданнан таңдаулы команда шықты. Солардың арасында чемпион болып шықтық. Өте қуаныштымыз!» – деді жарыс жеңімпазы Самғат Айтжан.
«Бұқаралық спортты дамыту мақсатында осындай іс-шараларды өткіземіз. Бірінші пандемияға байланысты үлкен деңгейде өткізе алмай отырмыз. Дегенмен эпидахуал жақсарған жағдайда волейболдан, баскетболдан басқа спорт түрлерін ұйымдастырамыз», – деді Алатау ауданының әкімі Азамат Қалдыбеков.
