«Тәуелсіз ел боламыз» деп алаңға шыққан сол кездегі ұл-қыздардың арманы орындалды. Бұл туралы Желтоқсан оқиғасына қатысушы Мәден Әбілов айтты, деп хабарлайды Almaty.tv тілшісі.
«Осыдан 35 жыл бұрын біз 23 жастағы жігіт едік, қазір 60-ты алқымдап қалдық. Қазір Аллаға шүкір, «Тәуелсіз ел боламыз» деген қазағымның сан ғасырлық арманы орындалды. Қазіргі таңда көп жақсылыққа кенеліп жатырмыз. Елбасымыз Нұрсұлтан Назарбаевқа және Президентіміз Қасым-Жомарт Тоқаевқа алғысымыз шексіз. Кеудемізге медалімізді тағып, жағдаймызды жасап жатыр. Ал Желтоқсан оқиғасына қатысты түсірілген фильм өте керемет», – дейді Желтоқсан оқиғасына қатысушы Мәден Әбілов.
