Қанат Сұлтанбековті қамауда ұстау мерзімі ұзартылды

"Қазақстан инжиринг" басқарма төрағасының бұрынғы орынбасары Қанат Сұлтанбековті қамауда ұстау мерзімі ұзартылды. Астана қаласының Есіл аудандық соты шығарған қаулы бойынша күдікті қазан айының 16-на дейін темір торда отырады. Естеріңізге сала кетейін, топ-менеджердің қолына ағымдағы жылдың ақпан айында кісең тағылған еді. Оған аса ірі көлемде пара алды деген айып тағылып отыр. Айта кетейін, Қанат Сұлтанбеков әр жылдарда Алматы мен Астана әкімдерінің орынбасары, сондай-ақ Алматы қаласы жолаушылар көлігі және автомобиль жолдары басқармасының басшысы қызметтерін атқарған болатын.