Қазақстандық актер адам өлтірді деген айыппен 11 жылға сотталды

Қазақстандық актер Нұржан Тойлыбаев 11 жылға бас бостандығынан айырылды. Оған адам өлтірді деген айып тағылып отыр. 38 жастағы киножұлдыз «Мәңгі ел», «Зәуре» жобаларына қатысқан, сонымен қатар, «Айман-Шолпан» және «Өгей жүрек» сериалдарына түскен.

«2017 жылдың 7 ақпанында Алматы облысының қылмыстық істері жөніндегі мамандандырылған ауданарлық сотының үкімімен, алқа билер қатысуымен Тойлыбаев Нұржан Қылмыстық кодексінің 99 бабының бөлігімен, яғни адам өлтіргені үшін кінәлі деп танылған. Оған 11 жыл бас бостандығынан айыру жазасы тағайындалды. Тойлыбаевқа қатаң режимдегі түрме колониясында өтеу тағайындалды», - деді Алматы облыстық сотының ақпараттық қамтамасыз ету бөлімінің басшысы Айнаш РАХЫМБАЕВА.