Қазақстандықтар міндетті медициналық сақтандыру қорына бес жарым млрд теңге аударды

Қазақстандықтар міндетті медициналық сақтандыру қорына бес жарым миллиард теңге аударды. Бұл небәрі екі ай ішінде жиналған қаржы. Жалпы соманың 80 пайызын жұмыс берушілер аударыпты. Ал жарналардың қалған бөлігі жеке кәсіпкерлердің қалтасынан шыққан. Жалпы қорға аударым бойынша Алматы, Астана қалалары мен Қарағанды, Шығыс Қазақстан облыстары көш бастап тұр. Жыл соңына дейін мемлекет қордағы резервтерді 23 миллиард теңгеге жеткізуді көздеп отыр.