ҚР Қарулы Күштері әскерлері жауынгерлік әзірлік аптасын сәтті аяқтады

Еліміздің Қарулы Күштері әскерлері жауынгерлік әзірлік аптасын сәтті аяқтады. Тактикалық-саптық сабақтар барысында басқару органдары, құрамалар мен әскери бөлімдер арасында әр қилы іс-шаралар ұйымдастырылды. Жеке құрамның функционалдық міндеттерін орындауы, бақылау тобының жұмысын ұйымдастыру, жылжымалы басқару бекеттерін орналастыру сынды негізгі сынақтардан әскерилер сүрінбей өтті. Сондай-ақ сабақтар барысында зымырандарды, оқ-дәрілер мен материалдық-техникалық құралдарды тиеу, кемелерді шоғырландыру ауданына шығару жаттығулары да ұйымдастырылған.