ҚР ҰҚК бұрынғы төрағасы Нартай Дүтбаев ұсталды

Қазақстан Республикасы Ұлттық Қауіпсіздік Комитетінің бұрынғы төрағасы  Нартай Дүтбаев ұсталды. Бұл туралы  Ұлттық Қауіпсіздік Комитеті хабарлады. Комитет мемлекеттік органдардың бірқатар лауазымдық тұлғаларына қатысты сотқа дейінгі тергеп-тексеру жұмыстарын жүзеге асырған. «Жүргізілген жедел іздестіру іс-шаралары барысында 2016 жылдың 26 желтоқсанында Қазақстан Республикасының Қылмыстық кодексінің бірнеше баптары бойынша  көзделген қылмыстарды жасауға күдіктілігі бойынша Дүтбаев Нартай Нұртайұлы, Хасен Нұрлан Болатұлы және Нұртаев Ерлан Сүйімбайұлы ұсталды», - делінген хабарламада. Қазір тергеу амалдары жалғасуда.