Қуандық Бишімбаев қазынадан жымқырған қаражатын толықтай қайтарды

Қуандық Бишімбаев қазынадан қылғытқан қаражатын толықтай қайтарды. Бұл туралы Ұлттық бюро департаментінің директоры Талғар Серікбаев мәлімдеді. Оның айтуынша, күдікке іліккен Бишімбаев өзі жымқырған 1 млрд 200 млн теңгені мемлекетке түгін қалдырмай қайтарған. Сөйте тұра, оның ісі сотқа жолданды. Есте болса, бұрынғы Ұлттық экономика министрі биыл қаңтар айында қамауға алынған еді. Оған Қызылорда қаласында салынуы тиіс шыны зауытына бөлінген қаражатты иемденді деген айып тағылған. Қуандық Бишімбаев 1млрд 200 млн теңгені «Бәйтерек» холдингін басқарып тұрған кезінде қалтасына басқан екен.