Ұлттық бюро тағы қос парақорды қолға түсірді

Ұлттық бюро тағы қос парақорды қолға түсірді. Бірі - Ақтөбеде маталған. Полиция подполковнигі Абдуллаев өңірдегі шекарашыны бопсалап, одан 2 млн теңге талап еткен. Бермесе үстінен қылмыстық іс қозғамақ болыпты. Ал, екінші күдікті керісінше лауазымды тұлғаға пара бермек болған. Ол Аягөзде заңсыз алкоголь өнімдерін саудалау үшін аймақтағы аймақтағы кірістер департаментінің басқарма басшысына ақша ұсынған. Тұтқындалған қос күдіктіге қатысты қылмыстық іс қозғалды. Қазір тергеу амалдары жүріп жатыр.