Алматыда көлік көпірден ұшып, өзенге құлап кетті

Алматыда көлік көпірден ұшып, өзенге құлап кетті, деп хабарлайды sputniknews.kz.

Оқиға куәгерлерінің айтуынша, Toyota Camry-10 мен Toyota Camry-50 көліктері Сәтпаев көшесімен шығыс бағытта кетіп бара жатады.

Неге екені белгісіз, Toyota Camry-50 Toyota Camry-10 көлігін артынан соққан. Cодан соң жүргізуші көлікті оңға бұрып, бордюрге шығып кетіп, металл қоршауды бұзып, өзенге құлап түскен.

Көлік жеті-он метр биіктіктен құлап, аударылып қалған.

Оқиға салдарынан Toyota Camry-50 көлігінде болған төрт адам зардап шекті. Олардың үшеуі ес-түссіз ауруханаға жеткізілген.