ШҚО-да полицей формасын киген алаяқ әйел ұсталды

Шығыс Қазақстан облысында полицей формасын киіп, біреудің үйін жалға беріп жүрген алаяқ әйел ұсталды, деп хабарлайды Tengrinews.kz Павлодар облыстық Полиция департаментінің баспасөз қызметіне сілтеме жасап.

«Павлодар полицейлері ШҚО-дағы әріптестестерімен бірігіп алаяқтық жасады деген күдікке ілінген ШҚО-ның 34 жастағы тұрғынын ұстады. Әйел тұрғындарды алдап, өзін полиция қызметкері ретінде таныстырып жүрген», - деп хабарлады полицейлер.

Қазіргі уақытта ұсталған әйел Өскеменнің тергеу изоляторында.

«Осы дерекке қатысты «Алаяқтық» бабы бойынша сотқа дейінгі тергеу жүріп жатыр», - деді полициядағылар. Алаяқ әйелдің біреудің үйін өзі жалға алған болып, расында, сол күні хабарлама беріп, үйді басқа біреулерге ұзақ мерзімге жалға беріп отырған.