«Астана» велошабандозы жол апатына ұшырады

«Астана» велошабандозы Омар Фраиле жол апатына түсті, деп хабарлайды sputniknews.kz.

Омар Фраиле мен оның құрбысы жексенбі күні Испанияда жол апатына ұшырапты. Олардың өміріне ешқандай қауіп төніп тұрған жоқ, бірақ екеуі де жарақат алған.  Фраиленің қабырғасы шытынаған. Ал қыздың қабырғасы сынып, омыртқасына зақым келгендіктен, ота жасалуы тиіс.

Омар Фраиле — 28 жастағы испан кәсіби шоссе велошабандозы, қазір Astana Pro Team командасы құрамында. Ол ірі веложарыстарға қатысып, «Джиро д «Италия» кезеңдерінің бірінде, сондай-ақ «Тур де Франс» және басқа кезеңдерде жеңімпаз атанған.

Велокоманданың ресми порталында хабарланғандай, «Омар – көпкүндік жарыстарға қатысуға әлеуеті жоғары шабандоз».