|
09.10.2018 | 11:12
1784

Төреғалиді ұшақ бортына заңсыз кіргізгендерге айыппұл салынды

Төреғалиді ұшақ бортына заңсыз кіргізгендерге айыппұл салынды

2018 жылдың 14 қыркүйек күні әнші Төреғали Төреәлінің әуежайдың бақылау аймағына және «Эйр Астана» әуе кемесінің Алматы - Гонконг рейсіне ұшқалы тұрған бортына өтіп кетуіне байланысты Қазақстан Азаматтық авиациясы комитеті жоспардан тыс инспекциялық тексеру жүргізді. Нәтижесінде әншінің заңсыз өтіп кетуіне рұқсат еткен қызметкерлер айыппұл төлеген, деп хабарлайды NUR.KZ.

Тексеру жұмыстары бойынша, Алматы әуежайында авиациялық қауіпсіздік талаптарын бұзғаны үшін, рұқсат етілмеген тұлғаның бақылау аумағы мен әуе кемесінің бортына заңсыз өтіп кеткеніне байланысты көрсетілген әуежай мен әуе компанияның кінәлі тұлғаларына қатысты әкімшілік іс қозғалды.

Қазақстан Республикасының «Әкімшілік құқық бұзушылық туралы» Кодексінің 570-бабының 1-тармағына сәйкес мына қызметкерлер әкімшілік жауапкершілікке тартылды:

1. Рахимгереев Ринат Булатович – «Алматы халықаралық әуежайы» АҚ авиациялық қауіпсіздік қызметінің бөлім инспекторына 20 АЕК көлемінде айыппұл салынды (48 100 теңге);

2. Қырғызбаев Абылай Жәрдемұлы – «Алматы халықаралық әуежайы» АҚ авиациялық қауіпсіздік қызметінің бөлім инспекторына 20 АЕК көлемінде айыппұл салынды (48 100 теңге);

3. Закирова Шолпан Бекетовна – «Алматы халықаралық әуежайы» АҚ авиациялық қауіпсіздік қызметінің бөлім инспекторына 20 АЕК көлемінде айыппұл салынды (48 100 теңге);

4. Абдурахипова Карина Рафаильевна – «Эйр Астана» АҚ әуе компаниясының жолаушыларға қызмет көрсету агентіне 20 АЕК көлемінде айыппұл салынды (48 100 теңге);

Авиациялық қауіпсіздік шараларын бұзуды болдырмау мақсатында Азаматтық авиация комитетінің инспекторлары қауіпсіздік қызметінің басшылығы мен қызметкерлеріне әуежайдағы өткізу  туралы түсіндірме жұмыстарын жүргізді.

Комитет өз жұмысында заң бұзушылықтарға төзбеу қағидасын ұстанады және алдағы уақытта мұндай келеңсіз жағдайларға жол берілмейді деп есептейді.

Естеріңізге сала кетейік, «Эйр Астана» ұшағының VIP-залына билетсіз кірген Төреғали Төреәлінің басы дауға қалған болатын. Осыдан кейін Азаматтық авиация әншінің әрекетіне қатысты пікір білдірген еді.

Ал күні кеше Кеден қызметі ұшаққа билетсіз өткен Төреғалиге қатысты пікір білдірдіп, өздерінің тарапынан қателік кеткенін мойындаған болатын.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир