Семейде 12-ші қабаттан құлаған ер адам аман қалды

Семейде тұрғын үйдің 12-ші қабатынан құлап кеткен азамат аман қалды, деп хабарлайды ҚазАқпарат.

30 жастағы қала тұрғыны теледидардың антеннасын түзету үшін 12 қабатты үйдің шатырына шыққан. Бірақ аяғы тайып кетіп, құлаған. Абырой болғанда ол 9-қабатқа құлап, соның арқасында тірі қалды. Оқиға орнына жеткен құтқарушылар азаматты төменге түсіріп, жедел жәрдем дәрігерлеріне табыстады.  

«Оқыс оқиға 19 қыркүйек күні сағат 15.16-да Әуезов көшесі, 22 мекенжайында тіркелді. Қазір азаматтың денсаулығы жақсы. Жедел медициналық жәрдем ауруханасының травматология бөлімінде жатыр. Құтқару шарасына жеке құрамның 3 қызметкері мен 1 арнайы техника жұмылдырылды» делінген қалалық ТЖБ баспасөз қызметі таратқан ақпаратта.