Танымал әнші сүйіктісімен бірге қаза тапты

Ыстамбұлда өрт салдарынан танымал блогер, әнші, актер Омре Озкан сүйіктісімен бірге қаза тапты, деп хабарлайды tengrinews.kz.  

Қайғылы оқиға бірнеше күн бұрын болған. 25 жастағы әртіс ғашығымен жалдамалы студияда отырғанда өрт тұтанған. Қыз Ыстамбұл техникалық университеті консерваториясының студенті болған.

Алдын ала мәліметтер бойынша, өрт электр құралдарының бұзылуынан шыққан. Ал жалын бөлмеге тарап бастағанда жастар ұйықтап жатқан. Олардың денесі тек таңертең табылды.

Омре Озкан YouTube хостингіндегі арнасын белсенді дамытып жүрген. Оған 350 мыңнан аса адам тіркелген. Ол арнасында түрлі тақырыптарға әзіл-сықақ бейне түсіріп, түріктің атақты адамдарын жиі күлкі қылатын.

Соңғы видеоларының бірін «Фенербахче» түрік футбол командасына арнап түсірген.  

Жеті жылдан бері өмір сүріп келе жатқан Озканның арнасы 130 миллион қаралым жинап үлгерді.

Сонымен қатар, блогердің Instagram әлеуметтік желісіндегі парақшасын 140 мың адам оқиды.