Адам ағзасын саудалайтындар ұсталды

Қытайдың Нинсян қаласына қарасты Хунань елді-мекенінде адам ағзасын ұрлаумен айналысып келген қарақшылар тобы ұсталды, деп жазады Baq.kz South China Morning Post сайтына сілтеме жасап.  

Оларды емханада қайтыс болған марқұмның көзін ұрлады деп айыптауда. Дене мүшесінің жоғалғанын марқұмның әпкесі моргта байқаған. Бір көзін ойып алып, орнына мақта тығындап кетіпті.

Полиция келесі күні төрт күдіктіні қолға түсірген, оның ішінде морг қызметкерлері де бар. Ұрлық жасаған соң олардың үшеуі Нинсяннан 240 шақырым жерде орналасқан Шаоян қаласына кеткен. Тергеушілердің пайымынша, олар адам ағзасын сату үшін келісім жасауға баруы мүмкін.

2002 жылы британдық дәрігер Бхагатта Маккараға тірі адамның бүйрегін алмақ болды деп айып тағылғаны хабарланған еді. Науқастардың бірі оның «Үндістан қалаларында қайыршылар өте көп» деп ишара білдіре отырып, «бүйрек тауып бере аламын» деген сөзін жазып алған.