Алматыда жоғалып кеткен қыз бен жігіт таудан табылды

Алматыда Республикалық жедел құтқару жасағының қызметкерлері тауда адасып кеткен екі туристі құтқарды, деп хабарлайды ҚазАқпарат.

22 жастағы жігіт пен 15 жастағы жасөспірім Бутаков шатқалы арқылы жоғары шығып, қайтар жолдан адасып қалған. Кешкі 20:00 шамасында туристердің бірі жедел құтқару жасағының кезекшілігіне хабарласқан. 

Құтқарушылар жасағы көп ұзамай оқиға орнына аттанды. Нәтижесінде 2 сағат ішінде адасқан жастар табылып, қалаға дейін жеткізілді.

Сонымен қатар, құтқарушылар Шымбұлақ курортынан шығып адасып кеткен қыз бен жігітті тауып алып, қалаға жеткізді.