Семейде жұмысшылар мен жүк көлігін жалдап, үй тонаған күдікті анықталды

Семейде жұмысшылар мен жүк көлігін жалдап ұрлыққа түскен 30 жасар азамат қолға түсті, деп хабарлайды Алтайньюс.

Ол Уәлиханов көшесі бойындағы бір үйдің ауласына жинап қойған металл бұйымдарды жұмысшыларға тиеткен. Онымен қоймай, Мамай батыр мен Найманбаев көшелеріндегі үйлердің ауласынан да көлікке темір артқызған.

Ол ұрлатқан заттардың жалпы сомасы 450 мың теңге шамасында екен.

Жалданып жұмыс істегендер өздерінің ұрлыққа түсіп жатқанынан бейхабар болыпты.

Күдіктіге қатысты ҚР Қылмыстық кодексінің 188-бабына сай сотқа дейінгі тергеу амалдары жүріп жатыр.