Мүгедек жігітке тұрмысқа шыққан бойжеткенге жұрт сүйсінді

Қырғызстанда арбаға таңылған жігітке тұрмысқа шыққан бойжеткенге жұрт сүйсінді. Екі жастың тойындағы видео әлеуметтік желіде жүр.

Қонақтардың алдына мүгедек арбасына таңылған жігітпен қол ұстасып шыққан бойжеткенге көпшілік тәнті болды. Олардың сезімін нағыз махаббатқа балап, жас жұбайларға бақыт тіледі.

Бейнежазбаның астындағы пікірлердің бірінде жігіт пен қыздың Тоқтоғұл ауданының тумасы екені жазылған. Жігіт жол апатынан кейін мүгедек болып қалған.