«Үздік инновациялық» жобасының жеңімпазы анықталды. «Jastar Innovation» әлеуметтік маңызы бар жобасы аясында өткізілген байқау болашақ кәсіпкерлерге бағыт көрсетуге мүмкіндік береді.
Екі айға созылған додаға Алматы қаласы жоғары оқу орындарының студенттері қатысып, үздік жобаларын ұсынды. Бүгінде 100 жобаның ішінен 40 жоба таңдап алынған. Үздік жұмыстың бірі – көпқатарлы көлік тұрағы 16 млн теңгеге бағаланып отыр.
«Бұл проектердің барлығына біз бірнеше жыл көлемінде дайындалып келе жатырмыз. Қазір Алматы қаласында кептелістің көптігіне байланысты, яғни бірнеше қабатты автотұрақтарды ойлап таптық. Яғни, 3 автокөліктің орнына 32 автокөлік сыйдыруға мүмкіндігіміз бар», – деді Халықаралық туризм және менеджмент колледжінің директоры Талғар ТАЛҒАТҰЛЫ.
