Алматыда Желтоқсан оқиғасына қатысушылар «Астанаға 20 жыл» медалімен марапатталды.
Қала әкімінің орынбасары Арман Қырықбаев ел тағдырына алаңдап, алаңға шыққан ержүрек ұландардың ерлігін мұқым жұрт жоғары бағалайтынын айтты. Елорданың 20 жылдық мерейтойына орай дайындалған төсбелгі еліміздің мәдениетін дамытуға үлес қосып жүрген азаматтарға да табысталды.
«Желтоқсан оқиғасы Жаңа жыл қарсаңында болды. «Тамаша» бағдарламасының мерекелік түсірілімі жүріп жатқан. Кенеттен барлық жастар алаңға ағыла бастады. Өте сұмдық көрініс болды. 32 жыл өтсе де, әлі де көз алдымызда тұр, құдды бір кеше болған оқиғадай», – деді Қазақстанның халық әртісі Нағима ЕСҚАЛИЕВА.
