Алматыда Алаш Орданың 100 жылдығына арналған концерт өтпек

Алматыда Алаш Орданың 100 жылдығына орай «Жыламасын сәбилер» атты қайырымдылық концерті ұйымдастырылмақ. Ол 24 қараша күні Алатау дәстүрлі өнер театрында өтеді. Жиналған қаржы жетім және әлеуметтік жағдайы төмен отбасыда тәрбиеленіп жатқан студенттерге дәл сол күні табысталады. Ұйымдастырушылар, концерттен 4 миллион теңге жиналады деп болжап отыр.

«Қайырымдылық концерті болғандықтан, билеттерді сату арқылы көмектескіміз келеді. Өйткені асып-тасып жатқан қаражатымыз жоқ. Сондықтан, осы концертке жұрттар ат салысса, келіп қатысса, олардың әрбір тиыны сол 100 жетім бала мен 100 студентке берілетінін айтқымыз келеді», - деді Ақпараттық агенттік жетекшісі Біләл ҚУАНЫШ.