Алматы облысында болған ірі жол апатының салдарынан бір адам қаза тапты

Алматы облысында ірі жол апаты орын алды. Оқиға Алматы-Қорғас тас жолында болған. Салдарынан жүк көлігінің тіркемесі өртеніп, тағы бір жеңіл автокөлік толығымен жанып кеткен. Облыстық ішкі істер департаменті әзірге осы дерекке қатысты пікір білдірген жоқ. Куәгерлердің айтуынша, жеңіл көліктің тізгіншісі қаза тапқан.