Алматы зообағында зебра құлындады

ҚазАқпарат - Алматы зообағында зебра құлындады. Бұл туралы Инстаграм желісінде зообақтың бұрынғы директоры, мәслихат депутаты Ержан Еркінбаев хабарлады.

«Біздің зебра құлындады. Енесі бізді құлынға жақындатпай жатыр. Ұрғашы құлын болар деген үміттеміз», - деді ол.

Қазір теңбіл құлын енесімен бірге экспозицияға шығарылды. Келушілер зебра төлін тамашалай алады.