Алматыда мектеп пен балабақшалардың қоршаулары алынбайды

Алматыда мектеп пен балабақшалардың қоршаулары алынбайды. Ал қалған орындардың шарбақтарын алу жұмысы жалғасып жатыр. Қалада жүзеге асырылып жатқан «Қоршаусыз қала» бағдарламасы қаланың барлық ауданында жүзеге асырылуда. Алмалы ауданында осы уақытқа 400-ден аса дуал сүрілген. Мамандар демалыс күні Қабанбай батыр мен Жароков көшелерінің қиылысындағы қоршауды қиратты.

«Алматыда жүзеге асырылып жатқан бағдарлама қаланың тұрғындары тарапынан қолдау тапты. Магистралды көшелер Фурманов көшесінен Сейфуллин даңғылына дейін түгелімен қоршаудан тазартылған. Біз Абай көшесі мен Абылайхан даңғылы сынды көшелерді қамтыдық»,- деді Алмалы ауданы Коммуналдық шаруашылық бөлімінің басшысы, Руслан АЙТАНОВ.