Алматыда Сейфуллин мен Абылай хан даңғылдары бір бағытты болмайды

Алматыдағы Сейфуллин мен Абылай хан даңғылдарындағы көлік қозғалысы бір жақты болмайды. Барлығы өз орнында қалады. Бұл туралы қаланың жолаушылар көлігі және автомобиль жолдары басқармасының басшысы Мақсұт Исахов мәлімдеді. Осыған дейін мегаполистегі үлкен көшелердің көбісі біржақты қозғалысқа өзгереді деген ақпарат схемасымен тараған еді. Маманның сөзінше, әлеуметтік желіде жүрген схема жоспар ғана. Барлық көше бірден өзгеріп кетпейді, жұмыстар кезең-кезеңмен атқарылады, дейді басқарма басшысы.