Алматыда спорт алаңы ашылды

«Шынықсаң - шымыр боласың». Қалада тағы бір  спорттық-ойын алаңы ашылды. Инвесторлар қаржысымен бой көтерген алаң Бостандық ауданында бой көтерді. Спорт алаңы заманауи Work out, Street ball және балаларға арналған тиісті аймақтарымен ерекшеленеді. Сондай-ақ, құрылғылары сапалы отандық өнімдермен жабдықталыпты. 

«Бұдан басқа біздің республикалық қаржы бөлініп, 10 осындай спорттық нысан және 9 балабақша алаңы соғылды. Айтып өткендей спонсорлар арқылы 21 нысан ашылды»,- деді Алматы қаласы, Бостандық ауданы әкімінің орынбасары, Таңат АЙДАРБЕКОВ.

Мұндай үлкен спорттық-ойын нысандары қаламыздың Наурызбай ауданында, Тұңғыш Президент саябағында және КИМЭП университетінің маңында орналасқан. Спортпен айналысып, дене шынықтырамын деушілерге спорт алаңы әрдайым ашық.