Алматыда Тұңғыш Президент күніне орай халықаралық конференция өтті

«Мемлекеттік басқару стратегиясы және көшбасшылық феномені». Тұңғыш президент күніне орай Алматыда осындай тақырыппен халықаралық ғылыми-практикалық конференция өтті. Елбасының саяси жетістіктері мен маңызды қызметі сөз болған жиында отандық және шетелдік сарапшылар мен ғалымдар бас қосты. Отырыста қала басшысының орынбасары Арман Қырықбаев Алматының Нұрсұлтан Назарбаевтың есімімен тығыз байланысты екенін айтты. Тәуелсіздікті, Конституцияны қабылдау, мемлекет басшысын сайлау, оны ұлықтау рәсімі, мемлекеттік нышандарды бекіту секілді ел үшін маңызды оқиғалардың барлығы дәл осы Оңтүстік шаһарда  өткен.