Астана перинаталдық орталығындағы бірнеше өлімнен кейін бас дәрігер қызметінен кетті

Астанада перинаталдық орталықта бірнеше өлімнен кейін бас дәрігер қызметінен кетті, деп хабарлайды Tengrinews.kz.

Бұл туралы Қоғамдық денсаулық сақтау басқармасы басшысының орынбасары Әлия Рүстемова мәлімдеді.

«Бұл тамызда болған жағдай. Ол (бас дәрігер) өз еркімен жұмыстан кету туралы арыз жазды. Ол мұны көтере алмады, өте ауыр жағдай», – деді Әлия Рүстемова.

«Қайтыс болған әйелдерге медициналық көмек көрсету кезінде медициналық қызметкерлерге қатаң сөгіс және тәртіптік жазаға тарту шаралары қолданылды. (...) Акушер-гинекологтарды, анестезиолог, неонатолог және реанимотологтарды оқытуға 100 миллион теңге бөлінді», – деді ол Астанадағы кәсіби дәрігерлердің жетіспеушілігін айта кетті.  

Айта кетейік, жазда № 1 перинаталдық орталықта үш әйел қайтыс болды. 1 қыркүйекте орталықта тағы бір ана өлімі тіркелді.