Бауыржан Байбек ұшақ апатынан қаза болғандардың отбасына көңіл айтты

Алматы қаласының әкімі Бауыржан Байбек әуе апатынан қаза тапқандардың туыстары мен жақындарына қайғыра көңіл айтты. Қала басшысы «бақилық болған дәрігерлердің отбасына тиісті көмек көрсетіледі», - деді. Ол үшін денсаулық сақтау басқармасына тапсырма берілген.

¤«Ұшақ апатында қайғылы қазаға ұшыраған профессор, акушер-гинеколог Талғат Патсаев пен профессор, реаниматолог Жәнібек Артықбаев және экипаж мүшелерінің туыстары мен достарына қайғыларыңа ортақтасып көңіл айтамын. Бұл отбасы үшін де, бүкіл медициналық қауымдастық үшін де орны толмас ауыр қаза. Қалалық денсаулық сақтау басқармасына қаза болғандардың туыстарына тиісті қолдау көрсету тапсырылды», - деді Алматы қаласының әкімі Бауыржан БАЙБЕК.