БЖЗҚ-ның бұрынғы басшысы Ерденаевтың қамау мерзімі 1 айға ұзартылды

Біріңғай жинақтаушы зейнетақы қорының бұрынғы басшысы Руслан Ерденаевтың қамау мерзімі тағы 1 айға ұзартылды. Тиісті шешімді Алматы қалалық соты шығарды. Одан бөлек, осы іске қатысты тағы бірнеше күдіктіні қамауда ұстау уақыты да 28-ші тамызға дейін ұзарған. Яғни, олар уақытша оқшаулау орталығында келесі айдың аяғына дейін отырады. Руслан Ерденаев пен басқа да күдіктілерге сеніп тапсырылған бөтен мүлікті иемдену айыбы тағылып отыр. Есте болса, былтыр біріңғай жинақтаушы зейнетақы қорына жүргізілген тексеріс кезінде 5 млрд теңгенің жымқырылғаны анықталған. Бұл қаражат «Бузгул Аурум» серіктестігінің облигацияларына инвестиция салу арқылы қордан алыныпты.