|
27.07.2018 | 14:42
1723

Түркияға әпкесінің құжатымен ұшпақ болған алматылық ұсталды

Түркияға әпкесінің құжатымен ұшпақ болған алматылық ұсталды

Алматы әуежайында әпкесінің құжатымен Түркияға ұшпақ болған қала тұрғыны анықталды, деп хабарлайды ҚазАқпарат ҚР ҰҚК Шекара қызметіне сілтеме жасап.

Ведомствоның мәліметінше, бүгін таңертең «Алматы» шекаралық бақылау отрядының шекарашылары Алматы халықаралық әуежайынан «Алматы – Анталья» бағытымен ұшқалы тұрған VSV-471 әуе рейсінен қазақстандық азаматшаны ұстаған.

«Тексеруге ұсынған төлқұжатта бұл азаматша 1986 жылы туылған «К.М» деп көрсетілген, алайда құжатта көрсетілген жасынан тым жас көрініп, сол арқылы шекарашылардың күдігіне ілінген азаматша, шын мәнінде 1991 жылы туылған «К.Л.» болып шықты. Сурет бір қарағанда өте ұқсас, себебі, төлқұжат бөтен болғанымен иесі бөтен емес, оның туған әпкесі екендігі анықталды», делінген хабарламада.

Қазір аталмыш оқиғаға қатысты тексеру шаралары жүргізілуде.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир