ЭКСПО көрмесін қараша айына дейін ұзарту туралы өтініш түсті

Осы тұста, еліміздің туроператорлары ЭКСПО көрмесін қараша айына дейін ұзартуды сұрап отыр. Олар көрме төрағасы Ахметжан Есімовке хат жазып, осындай өтініш білдірген. Айтуларынша, халықаралық шара өткізілгелі бері - олардың табысы молайып, шетелдік туристерден түскен пайда еселеп артқан. Тіпті, келушілерге  қызмет көрсететіндердің санын көбейтіп, жаңа жұмыс орындарын ашыпты. Ал көрме тарапы халықаралық шараны ұйымдастыру мерзімін созу - оңай шаруа емес дейді. Өйткені іс-шара бюро регламентіне сай өтіп жатыр. Әрі көрме бюджеттің қаржысына есептелген.